Goeie dag Gemeente
Die Kerkraad se reëlings met betrekking tot erediensbywoning word gereeld in ooreenstemming met die wysigings in die regulasies, aangepas. Tans kan 250 mense per erediens in die kerkgebou geakkommodeer word. Eredienste tydens skoolkwartale vind om 08:00 , 10:30 en 18:30 plaas. en tydens langnaweke en skoolvakansies vind die eredienste om 09:00 en 18:30 plaas. Daar is dus voldoende ruimte om in groter getalle eredienste by te woon, en lidmate word aangemoedig om eredienste te kom bywoon. Vir diegene vir wie dit fisies moeilik is om erediens toe te kom, is die eredienste steeds intydsdirek vanuit die kerkgebou op die onderskeie kanale (webtuiste, FaceBook en YouTube) Protokolreëls geld egter steeds en ten einde administrasie voor die aanvang van die erediens te vergemaklik, word kerkgangers versoek om voor Vrydagoggend vir die komende Sondag se eredienste te registreer. Die vorm vir die doel is op die webtuiste beskikbaar.

Ons maak staat op elektroniese toerusting en so ook Internet konneksie en daar kan probleme voorkom wat onverhoedbaar is. Ons gaan van die volgende platforms gebruik maak, Facebook, Youtube, Kerkdienst Gemist en Sermon.net

As u graag ons erediens wil bywoon volg asb die skakel: Sondag Erediensbywoning